Carta de Logu Eleonora di Arborea Leggi e Ordinamenti Capitoli 1 - 20

Charta de Logu Elianora de Arbarèe Capitulos 1 - 20

1 - De qui offenderet sa segnoria.

Ordinamus qui alcuna persona tratarit et consenterit qui nos over alcunu figiu nostru over donna nostra o figios nostros o donna issoro esseremus offesidos o faghirint offender et consentirent qui esseremus offesidos deppiant esser postu supra uno carro et attanagiadu pro tota sa terra nostra d'Aristanis. Et poscha si deppiat dughiri attanagandolu infini assa furca et in nie si furchit quindi morgiat. Et issos benes suos totu deppiant esser appropiadus assa corte nostra dum modo quissa donna sua coyada assa sardisca, over adodas nostra; perdat sa parti sua in casu qui no si achaptarit culpabili in alcunu attu. Et si alcuna persona qui esseret in su dictu trattadu lu fagheret ad intender annos inantes qui nos illu ischiremus siat illi perdonadu sa dicta pena et no di siat punidu et depiat aviri premiu et gracia de su espale sari qui at aver fattu de su dictu trattadu.

2 - De qui tractarit traycioni o desonore.

Item ordinamus: qui si alcuna persona tractarit consenterit causas alcunas pro sa quali nos perdiremus honore terra over castellu de cussos qui amus hoi o de cussos qui aquistaremus dae como inantes deppiant esser istrarinadus acoha de cuallo pro totu sa terra nostra d'Aristanis et poscha infini assa furca et inie sind furchet quindi morgiat, et issos benes suos tottu appropriadus assu rennu. Si veramente qui in casu su dictu traditore avirit mugere et esseret coyada assa moda sardisca que dicta mugere appat sa parti sua senza mancamentu alcunu secundu qui in su dictu capidulo si contenet. Et si avirit appidu mughere pro inantes assa sardisca de sa quali havirit alcunu figio o figias. Cussu figiu o figios comente heredes de cussa mama issoro appant et aver deppiant sa parti issoro de sos benes predictos secundu usanza sardisca senza mancamentu alcunu secundu cantu naradu de supra pros sos atteros. Et si esseret coyada adodas a modo pisaniscu su simili sas dodas suas senza alcunu mancamentu pro qui no est ragione qui issos perdant pro culpa et defectu de su padre et de su maridu. Et semper si intendat qui ciascunu creditore qui havirit at riciver inantes que su dictu maleficiu esseret perpetradu et factu qui siat pagadu de tottu que iustamente at mostrare qui appat a reciver.

3 - Qui ochirit homini.

Bolemus et ordinamus que si alcuna persona ochirit homini et est indi confesso insu judiciu, over convinto secundu cussu ordini de sa ragoni comendat. Siat illi segada sa conca in su logu de sa iusticia pro modu qui ndi morgiat et pro dinari alcunu no campit. Salvu si su dictu homini hochirit deffendendo asi sa quali deffensa deppiat provari et mostrare legittimamente pro bonos hominis infra dies XV dae sa die qui l'at esser comandado pro issu armentargiu nostru de logu over per atero officiali nostru at qui sa dicta causa esseret comissida. Et in casu qui provarit aver mortu su dictu homini deffendendo asi comente est naradu de supra no siat mortu et pena alcuna no patiscat et no paghit. Et si pro ventura auenerit qui plus hominis esserent in compagnia de pari et unu de cussos hochirit alcunu attero homini. Et issos ateros qui no esserent in culpa assa dicta morte no benerent assa corte et no si isculparint legittimamente que issus no furunt culpabilis nè confentivilis assa morte de cussu tali homini. Infra tres dies qui issos siant punidus et condennadus a morte comente etissu qui havirit mortu su dictu homini; in provisamente et no cun animu deliberadu et no pensadamente ma pro causa fortunabili secundu qui solint a venne multos desastros. Bolemus qui in tali casu ister et istari depiat at arbitriu et correctione nostra.

4 - Idem.

Constituimus et ordinamus qui alcunu homini hochirit at alcunu atteru homini minando over correndo a cavallo in plaza, o in bia, o in campu, o in silva, o in attero modu qui cussu homini qui havirit mortu su dittu homini siat mortu si parit ver et simili assus bonus hominis et juigantis de sa Corona qui sientimente et cum animo deliberado de illu appat mortu. Et si cussu homini qui adi haviri mortu su dictu homini gasi minandu cavallu comenti est naradu desupra no l'averit mortu a voluntadi sua et siat istadu disastro. Siat tentu et missidu in pregioni et siat in ambitrio nostru de illi condennari pro sa dicta morti.

5 - De venenu.

Item ordinamus qui si alcuna persona maschiu o femina darit ad mandigare, over abiere alcunu venenu malu, o tosighu de su quali poderet morri su homini, over sa femina o a qui esseret dadu sindi esseret confessu, over qui illi esseret provadu legittimamenti et morret inde su homini. over sa femina ad qui esseret dadu. Si est homini cussu qui adi fattu su dictu mali siat infurcadu quindi morgiat. Et si esseret femina siat arsida et no campit pro dinari alcunu. Et si cussu ad qui silu darit su dito toscho, over venenu no di morrit ni havirit mancamentu de sa persona: siat illi segada sa manu destra et pro dinari alcunu no campit qui no li siat segada. Et issu simili siat condennadu cussu qui si accatarit in culpa et in consentimentu de tali casu. Et intendat si qui cussu qui at haviri comissidu su dictu maleficiu paghet et pagare deppiat sas dispesas mancamentos dannos et interesses qui at aviri appidu et incurfu cussu a quini esseret dadu su ditu venenu gasi demehigos comenti et demeighissas et ateras causas necessarias a provigione de duos o tres bonus hominis electos pro issa corti.

6 - De tenne su malefactore.

Bolemus et ordinamus qui si alcuna persona esseret morta in alcuna villa de foras o inconfines et habitationes de sa villa siant tenudus sus juradus de sa dita villa de prouare et de tenne su malufactore et dellu batire tentu assa corti nostra infra unu mese: pro faghirende sa justicia. Et in casu que su malufactore no tenerent et nolu batirent assa corti nostra. Infra su dictu tempus paghint sos juradus totu et issos hominis de sa dita villa pro sa maquicia et prosa negligentia issoro pro que no tensierunt su homini. liras ducentas si est sa villa manna. Et issa villa pitzina paghit liras centu. Et si cussu homini qui havirit mortu su homini fuirit et nò si poderet haviri infra su dito tempus de uno mese siat isbandidu daesas terras nostras et issos benes suos totu siant conficadus assa corte nostra. Referuando pro sas ragiones de sas mugeres et de sos figios que havirint de atera mugere qui no quirint appidu sa parti pertinenti ad issos pro parti de sa prima mugheri. Et similimenti si intendat faluas sas ragiones de sos creditores qui havirent ad ricivir supra sos benes decussos. Et si pro alcunu tempus cussu homini qui havirit mortu su homini beneret in forza nostra no essendo sidado siat illi tagiada sa testa pro modu quindi morgiat. Et niente de minus ogne persona illu pozat offendere in persone et dareli morte senza incurrere pena ne maquicia alcuna duranti su dictu tempus de su isbandimentu suo.

7 - Qui est isbandidu.

Constituimus et ordinamus: qui si alcunu esseret isbandidu dae sas terras nostras pro homicidiu, over pro alcuna atera occasione pro sa quale deberet morre. Et beneret ad alcuna de sas villas nostras senza essere fidadu et basadu pro nos, siant tenudos sos jurados et hominis de cussa villa detenerellu et batirillu a sa corte nostra. Et si no lu tenerent et batirint secundu que est naradu de supra paghint sa villa manna assa corte nostra pro sa negligentzia issoro liras XXV et ipsa villa pitzina liras XV. Et iso maiore de cussa villa de pro se liras X et ciascuno jurado liras V. Et cio sintendat si sus hominis de cussa tali villa illu ischirint et alcunu homini de sa dita villa illu recivirit et receptarit cussus talis isbandidus palisimenti et at fura et daris illi aiuda o consigiu o fauore silli est prouadu paghit as su rennu liras centu. Et si nò pagat isso atero homini pro se istet in presone ad voluntadi nostra. Salvu si cussu isbandidu deneret a domo e sa mogere o ver de su padri o de sa mamma o de su auio et auia o de su figio o figia o de su fradi o de sa sorre carrali. Que cussas persones no siant tenudos assa quicia de sa preditas liras chentu in tottu ne in parti.

8 - Qui si ochiret

Item ordinamus quisi alcuna persona si hochieret isu istesu apensadamenti in alcunu modu si deppiat istrasinare et infurcare in alcuna furca que si deppiat faghere a prope de sa villa hui sat ochier. et issu officiali de cussa villa deppiat fagheri iscriviri totus sus benes suos. Infini ad atero comandamentu nostru. et simigantemente a investigare et preghontare assos juradus et bonus hominis de cussa villa de sa occagione pro iteu cussu homini set esser mortu et icussu pregontu ad fagheri scriviri su quale pregontu deppiat batiri annos de presente ad cio qui nos illu pozamus mostrare assos sabios nostros pro consigiare nos in de cussu qui damus auiri affagheri de sos dittos benes.

9 - De feridas

Volemus et ordinamus qui si alcunu homini at serre sunu at seteru de ferro o de fusti o de pedra o de manu o ver de atera causa dundi essirit sambini et nondi perderet membru sind est binchidu paghit assu rennu pro sa ferida de ferro infra dies.xv.decat esser juygadu liras XXV et si nò pagat infra dies XV decat esser juygadu siat afrustadu over ischouadu pro issa terra. Et prosa ferida de fusti o ver de pedra o de atera cà dundi esserit sambini paghit liras XV et si nò pagat infra dies XV decat esser juygadu siat afrustadu over iscouadu pro issa terra secundu quest narrado desubra. Salvu si sa ferida si fagherit in sa faghi et romannet illoy alcunu signu notabili et decreder qui paghit in cussu casu liras una infra dies XV decat esser juygadu; et si nò pagat fazat sillu su simili signu cat auiri factu in su simili logu et is sambini nò di esserit in sas dittas feridas de ferro o de fusti o de pedra over de atera causa paghit dae liras V infini in liras X consideradu la qualidadi de sa persona quest offendida et qui offendet; et issu modu de su ecessu comissu, et si nò pagat infra dies XV afrustent illu pro issa terra. Et si alcunu delictu a vennet pro dixastro et qui nò esseret fatu a pensadamente bolemus qui siat in arbitriu nostru et de bonos hominis pro nos depudados comente est narradu de subra. Et si alcuna de sas ditas feridas sindi perderet membru pro modu qui su membru indi andarit attera over quindi esseret semmu perdat su simigiante membru et pro dinari nexuno nò campit et si esseret membru principali debilitadu paghit liras centu senza misericordia alcuna, et prossu membru particulari esseret debilitadu paghit dae liras centu ingiosso at arbitriu nostrum o ver de bonos hominis pro nos deputados et semper si intendat sillu faghit defendendo assi et prouarit illu legittimamenti qui no ndi siat tenudo appena alcuna et si aluna persona ferret de sa manu insa faghi over tirarit at alcunu sos pilos o ver qui ponnet at attiri sas manus insu pectus over quillu istrazarit sos pannos o ver quillu getarit attera o ver qui fagherit alchni de cio nò essirit paghit assu rennu liras tres infini in liras ses considerandu sa qualidadi de sa persona offesida qui ofendetet si nò pagat ister in pregioni a voluntadi nostra. Salvu si sa persona ferida esseret mugeri o figiu o figiu de figiu o fradi carrali o sorre o nebodi de fradi over de sorri o ver famigili suo qui istarit at imparare qui cussu quillat ferre essendo pro issu fatu modu quest naradu de subra illu pozat batiri et castigare a conzadamenti et in cussu actu nò di paghit pena alcuna et itendat si qui pena alcuna nò paghit silli bogarit sambini daessa buca o ver daessu nassu over quillu iscarrafiarit insa fachi o in atera parti de sa persona sua qui danno nò di auirit, et simili si intendat de sus tudores et curadores de alcunos minores qui castigarint et batirint cussos qui instant supta cura et tudoria issoro qui nò di paghint pena alcuna castigandolus pro issu ditu modu, et si alcuna persona fagerit de sas ditas maqui cias qui suntu naradas de subra et si paghi indi poderent et bolerent fagheri chun icussa persona at qui auirit offesidu deppiat benne daenante de su officiali si fazat sapaghi. Et nos pro amore de deus perdonamus pro sa dicta paghi fata sa quarta parti de cussa maquicia qui at deber pagare.

10 - De feridas.

Constituimus et ordinamus: subra sos et cussos maleficios et feridas incertas que si alcuna persona esseret ferida de nocte over ancu adde die et nò loy averit testimongios nò siat cretidu. Et ciascuna persona qui siat de bona famma et siat feridu siat crectidu a fragramentu suo hui no auirit testimongios ecceptuadas assas predictas causas et a prouisioni de su officiali et de su consigiu suo. Et si sa persona achufanti oppaciente no esseret de bona famma et achufarit persona qui esseret de bona fama istet a provigione de su officiali et consigiu suo predictu, et si aueneret una briga inter duos over pluspersonas qui feridas o percussiones illy inchurrerent et no si poderent provare discretamente quales decussos averit factu sa briga sa condennagione qui si averit assa corte paghint totu cio est cussas personas qui esserent istadas assa dita briga participantes pro quantas feridas santi acaptare et in cussas causas si intendat inferidas qui no bie siat morte nen perdimentu de membru et acio qui secundu sos colpus sas laxas cussos assos quales at esser comissidu pro nos las pozant atazari secundu su colpu over colpus qui ant esser factus su officiale qui at mandare sas maquicias las deppiat ordinamente mandari scriptas declarando su colpu qui at esser mannu et issu colpu qui at esser pizinu.

11 - A faltegu.

Item ordinamus: qui si alcuna persona asaghirit ad alcuna persona atera cum arma assa domo hui istarit o in terra o in bingia sua hui esseret profaguiri factos suos paghit plus de cussu qui est ordinadu desupra de sas maquicias cio est silu offendet in persona sodhus 100, et si nolu offendet paghit sodhus L, et si lu assaghirit senza arma ad alcunu de sus ditos logus et offenderet illu paghit liras tres, et si no lu offenderet paghit pro sa asaghida sodhus XXX, et si in atero logu chi de cussus qui sunt naradus de supra illu assaghirit et offenderet illu paghit sodhus XL, et si no lu offenderet paghit sodhus XX, et cio sintendat si de sas dittas causas o alcuna de cussas indi esseret binchidu.

12 - Feridas.

Volemus et ordinamus: qui si alcuna persona asseret ferida et qui sa ferida esseret perigulosa qui si dunitarit de morti cussu homini qui auirit factu sa dicta ferida depiat istari in pregione infini atantu qui su meyghu o ver meyghos ant narre pro fragamentu issoru qui cussu homini feridu siat foras de perigulu de morti pro cussa ferida tanti cum liberatione de bonos hominis, et si si dubitarit de cussa ferida istet in pregione infini LX dies et passadu su dictu tempus de LX dies: et infra su dictu tempus su feridu no esseret mortu siat liberadu su delinchente de sa morti et paghit sa maquicia de sa ferida assa corte, et in casu que su ferido pro aventura morret infra su dictu tempus de LX dies pro mala cura et guardia et pro culpa sua, et auendo lassado su meyghu foras de dubitu qui cussu delinquente no dimorgiat, ma paghit sa maquicia de sa ferida secundu qui est naradu de supra.

13 - Strada.

Constituimus et ordinamus: qui si alcuna persona esseret tentu pro robaria de strada publica et est inde binchidu siat inpicadu quindi morgiat incussu logu hoead avere fatu sa dicta robaria, et no campit pro dinari alcunu et in casu qui fagheret sa dita robaria foras de strada publica zozo est in villa o in campu o in saltu sos hominis de sa dicta villa hui ad fagher sa ditta robaria siant tenudos detenni cussu tali robadore et batirillu assa corte, et sindest bincidu paghit assa corte liras CC .dae sa die qui adi essere iuygadu adies bindighu. Et si nò pagat issu o ver atero homini pro se infurchent illu quindi morgiat. Et si nò lu tenerent sos hominis de cussa villa: paghit sa villa manna liras una et issa villa pitzina llzs.xxv, et isso dannu aqui ad essere factu. Et niente de minus deppiat illu denunciare assa corte infra dies.xv.et siat isbandidu dae sas terras nostras. Et si pro alcunu tempus benneret in forza nostra paghit sa secunda pena si sa dita robaria auirit fatu foras de strada publica. Et si nò pagat siat iusticiadu in persona secundu qui est ordinadu in su punti capidulu. Et issos benes suos si confischint assa corte. Reservando sas raxones de sas mugeres secundu qui pro inantis est narradu in casu qui esseret iusticiadu in persona.

14 - De inquisitzione.

Item ordinamus: qui si nò illoe auirit testimongios qui su officiali procedat supra sa dicta causa pro via de inquisitione secundu que in su secundo capidulu de qui ferit si contennet.

15 - De deliquentes.

Volemus et ordinamus: qui si su diliquente esseret tentu pro issu officiali over hominis de sa contrada hui esseret factu su delittu in liguno logu qui nò esseret franchu infra unu mese qui sa contrada, over sa villa esseret libera de sa secunda maquicia. Et si su officiali in hui esseret sa persona qui auirit factu su maleficio no daret su brasu suo e favore adicussu officiali, over persones qui lu requederent siat condempnadu in sa dita maquicia.

16 - Jurados de logu.

Constituimuset ordinamus: qui in ciaschuna villa si depiat ponne a jurare pro jurados de logu in sa villa manna hominis.x.in sa pizina hominis V sus megios hominis qui illos an esser a voluntadi de su officiali. Et isso scripto de sos jurados villa ad villa homini ad homini torrent a sa camera sus curadores dae cussa die ad Corona de logu de sanctu pedru de lampadas ad pena de pagare liras VIII a sa corte sos qualis depiant provari sas largas e furas qui si faghint in sa villa o in sa aydatione de sa villa et detenne sos malos factores et batirilus a sa corte, et si no los tenent paghit sus jurados sodhus XX pro ciascaduno et paghint comonalimenti sus hominis de sa villa et issos jurados su dannn ad cuyu at essere; et issa maquicia assu rennu. Et siant cretidos sus juradus assu narre issoro. si totu o sa maiore parte no esserent in concordia no siant credidos et paghint sa maquicia secundu qui de supra narat. Et si cussa persona cheseret dada de jurados boleret prouare legitimamenti qui atera persona et no issu auirit factu sa dita fura, over accessu qui in cussu casu issu siat liberu et de cussa persona a qui contra esseret prouadu siat constritu apagari sa maquicia, et issu maiore et jurados no siant però condennados pro qui auirint dada sa maquicia adiscussu qui esseret defesu ma paghit sa maquicia cussu ad qui at contra esser legittimamenti prouadu efurza sa quali proua cusu cheseret dada de jurados deppiat mostrare infra uno mese. Et similmente siant tenudos de faghire scrivire et colliri totu sas ragiones de su rennu cantu si de colliri et pagari in savilla qene esserent requestos pro ipso officiali issoro o maiore. Et icusa persona que nò bolirint jurari pro juradu de credentia o pro andari a chircari sas domos et logus pro sas furas paghit assu rennu pro dognia bolta quindi adi essere requesto dae su officiali de sa contrada liras VIII a sa corte et a su curadore boe uno, et isso officiali o curadore qui adi essere siat tenudo pro sagramento de prouarelu et denunciare lu assa corte qui at benne profaghere raxone assa camera, et cussu capidulu no si intendat morte de homini ma de cussu si obferuet secundu qui in su capidulu de que ochirit homini si contenit.

17 - De maleficios sus jurados de logu hant a chircare.

Item ordinamus qui sos curadores cum sus ateros jurados de logu siant tenudos de chircare sos dannos de sos hominis de savilla et issos loghos hui ant auire suspectu dogna mese una bolta et siant tenudos de chircare sas domos de sos merchedantis et negosantis cant essere in sa villa duas boltas su mese icusu deppiant faghire sos curdores ciaschuno mese sos curadores e jurados qui illoy ant essere in sa villa. Salvu qui alcunu curadore over juradu usit esseret in sa villa et siat andado in alcunu logu legittimamenti e senza fraudi profagheri alcunu factu nostru o suo no di siat tenudo, ma cussos juradus qui illoy ant assere in sa villa illu deppiant fagheri nò lassando et nò remanendo percussu o percussos quidant mancare, et intendat si que si assa domo intrant tres juradus o plus et chircant illa bene sensa fraude qui siat tantu quantu et que siloy intrarint totu sus jurados et in casu qui inzo esseret su curadore negligente paghit assa corte sodhus C, et isso maiore de sa villa sodhus XL et ciaschuno jurado sodus XX.

18 - Furas

Volemus et ordinamus qui cun su curador et issos jurados de logu ant andare chircando sas domos et issos logus pro sas furas et acatarint illoe algunu corgio de boe de baca o de cavallu o debba mostret su qui lu adi auiri o qui loat acatari comenti siat suo pegogiari o de domo sua o de ateri qui siledi auire a comandado et si cussu nò mostrat siat tentu su homini et batidu assa corte et paghit secundu qui narat sa Carta de Logu pro su furoni.

19 - De pregontari.

Constituimus et ordinamus: qui sos officialis de regnu o ver curadores cant esser insas contradas siant tenudos de pregontare sos jurados de ciaschuna villa tres voltas s'annu et no plus pro sas furas et pro sas largas qui sant faghere in sa villa o insa aditioni de sa villa. Et pro sos corgios qui ant esser acatados insa domos si cussos officialis de rennu o curadores cant essere insas contradas pozant batire pro iscritu su pregontu, et issu cant auire naradu sos jurados et ipsu cant auire factu secundo ragione de sas furas et de sas largas et de sas maquicias si qui sus dictos officiales curadores cant essere in sas contradas indi potzant faghere raxione a sa camera tres boltas s'annuntziu et pro Corona de Logu dectu marcho et pro Corona de sancto Nichola et pro Corona de plama.

20 - De sus pregontus.

Item ordinamus: qui sus officialis nostros tottu de Arbaree siant tenudos ciascaduno insa curadoria sua de provare et de investigare sas furas et largas et issas maquicias qui siloy ant faghere insas dictas corradas, et batiri iscritu tres voltas s'annu in sa camera nostra est pro Corona de Logu de sanctu marcho et pro Corona de sanctu Nichola et pro Corona de plama; pro cie bolemus creder et dari fidi assu officiali de cussu quandat prouare et narri comente et assos jurados de logu totu; et similimenti bolemus qui su officiali nostru pregontit sos jurados de sas villas afeadas pro sas maquicias qui sillo ant faghere et batiant inde su iscritu a sa camera nostra est de cussas maquicias de sanben qui si lo y ant faghere et qui si lo y apertenent a sa ragione nostra.

Notizie sulla Cultura e sulla Lingua Sarda

Dicius Antigus