Carta de Logu Eleonora di Arborea Leggi e Ordinamenti Capitoli 81 - 100

Charta de Logu Elianora de Arbarèe Capitulos 81 - 100

81 - Ordinamentos de sirbas.

Constituimus et ordinamus: qui cussas villas et curadorias qui sunt usadas de faghere filuas de curadore siant tenudos sos homminis totu de cussas villas et curadorias delloy andare una bolta s'annu et qui su liere de couallu qui at esser nunzadu et nò loy andarit paghit assu curadore sodhus II si veramenti nò averit excusa legitima.

82 - Sirba.

Item ordinamus: qui alcunu homini cat benne a sirba nostra ho de curadore et non at benne agholetorgiu cunsu pegus qui at auiri mortu leuent illi pro su rennu boe unu et pro su curadore sodhus X.

83 - Armadu a sirba.

Volemus et ordinamus: qui su homini cat benne armadu a sirba nostra o de curadore leuent illi pro sa sirba nostra berbeghes X et pro sa sirba dessu curadore boe unu et perdat sarma. Et sio nò si intendat pro virgas ghortellu et ispada.

84 - Qui leuarit su serru.

Constituimus et ordinamus: qui su homini cat leuari su servu daessu yagaru et lompet illoy canargiu et non torrant su peghus paghit boe unu assu canargiu det sodhus XX et appat inde su curadore de tres unu sindellu binchit.

85 - Qui alluarit abba.

Item ordinamus: qui homini cat chundire inantes de sanctu miali paghit a su rennu sodhus 20 et a su curadore sodhus 10 et issos officiales inde pregontent sos jurados pro omnia bolta qui los debent pregontare.

86 - De mesura falsa.

Volemus et ordinamus: qui acussas personas a qui sant achatare pro issos officialis nostros mesura falsa o stadea falsas qui siat condempnadu de pagare a sa camera nostra liras xxv dae cussa die quillat esser achatada a 15 dies et si nò pagat assu dictu termen siat affrustadu pro totu su logu hui at auiri comissidu su de littu.

87 - De astores.

Constituimus et ordinamus: qui alcunu homini nò deppiat bogare astore ne flacone dae niu. Et di cussu qui lat bogare siat tenudu su curadore dessa curadoria dundi at esser su homini de tennellu et baturellu ad nos adpena de pagare su curadore liras V.

88 - De vendere cavallos.

Item ordinamus: qui sos hominis totu dessa terra nostra de Arbaree cant auire cavallus issoro illus posant bendere a voluntadi issoro intro Arbaree assardos et nò aterramangessos senza paraula nostra at pena de pagare assa corte liras 1 et issos terramangessos non si intendant alcunu parladu over abbadi o atero clerigo dessa terra nostra de Arbaree o burghesi de terra nostra.

89 - De sus lieros.

Volemus et ordinamus: qui sos lieros tottu dessas terras de Arbaree sos calis sunt tenudos de seruire sa corte cum cavallos et cum armas non pozant nen deppiant bendere nen donari nen cambiare su cavallu quilli at esser scriptu in su catenudu de sa nostra corte senza volundadi nostra. Et qui contra de cio fagherit et est illi prouadu paghit de maquicia liras 25 et temittat in iscambiu decussu qui ad auiri baratadu bono o sufficiente cavallo.

90 - De sus lieros.

Item ordinamus: qui negunu liero de cavallu et nen soldadu non si deppiat representari ad mostra et nen ceppari cun cavallu de atera persona assa mostra subta pena de liras 10.

91 - Lieros

Volemus et ordinamus: qui sus lieros homines dessa terra nostra de Arbaree sos qualis sunt tenudos de seuire cun cavallus et armas et sunt indi de cio colados deppiant auiri cavallus mascus qui bagiant dae liras 10 insusu et totu armadu chi bisognant ad homini de couallu assa sardisca et siant semper aparigiadus cun suos ditos cavallos et armas profaghere sa mostra et pro cavalcare cun nos illos faghiremus requeder et qui cio non at fagheri torret assa mungia.

92 - Lieros.

Constituimus et ordinamus: qui sos lieros qui non sunt appusti fideles o terrali defictu o homini dessa corti qui istit in sa villa affeada nò deppiat pagare nen dari trabuda assu fidele cat auiri sa villa et icussu qui adeber paghere o dari pro raxione de juradus o proatera raxione paghit assa corte et non assu fidele.

93 - De sus jurados.

Item ordinamus: qui sos fideles cant villas inseu siant tenudos ciaschunu depponni a jurare su maiore dessa villa pro juradu de logu et issos megios dessa villa sos quales juradus deppiant su fidele qui chue at esser in persona batirellos pro iscriptu assa camera daenoghi a Corona de sanctu pedru de lampadas et pro su fidele qui nonchi at esser in persona siat tenudu su officiali suo et maiore suo su qui at esser pro issu in sa villa de batirellus a sa camera pro iscriptu sos juradus e si nò los batirit a su dictu termen paghit su fidele o maiore o faghidore dessu fidele qui contra fagherit et qui nò ad esser liras 10.

94 - De forzus

Volemus et ordinamus: qui alcunu terarmangiesu cat dare iuo suo assardu pro inargiu o pro soci non appat lad cherret at perunu hommini salvu a quillu ad auiri dadu et issu iuargiu istit assa usansa dessa terra.

95 - De cavallus

Constituimus et ordinamus: qui si alcunu cavallu nostru morret in sirba over qui si semet qui no siat secidu pro paraula nostra su maiore de cavallus paghit prossu dectu cavallu annos pro sunu deghe secundu qui narat sa Carta de Logu pro causas dessu rennu furada et icussu homini quillat seer siat condempnadu de pagare assa corte sodhus chentu.

96 - De qui sindi andarit.

Item ordinamus: qui si alcunu homini de sa terra nostra de Arbaree si partirit pro andare at istare dae cussa curadoria asatera cussu officilae decussa curadoria ad hui at esser andadu adistare siat tenudo defagheri pagare assatero officiali pari suo qun illu adimandarit cussas raxiones qui debent pagare a Nos, pro su officiu suo, et icussas raxones hat haver a dimandare s'unu officiali ass'atero pro sos homminis hant esser partidos dae s'una curadoria a s'atera siat tenudu ciascuno hat haviri arreciviri de dimandare sas raxones secundas duas boltas s'annu cio est pro Corona de Logu de Sanctu Nicola et pro Corona de Logu de Santu Pedru de Lampadas. Et de cio su officiali non constringhirit nen deppiat agravare su maiore over alcunu juradu promandarellas a colliri alcunas raxones foras dessa curadoria issoro. Et icussu curadore, over officiali q'at fagheri secundu qui narat de supra pro donnya bolta qu'illi hat esser provadu qui contra fagherit siat condennadu de pagare a sa camera nostra sodhus chentu et siat cretidu su officiali over curadore cat auiri a dimandadu sas raxones cat auiri arrecivire dae satero officili pari suo a sagramentu suo.

97 - De deseredari.

Volemus et ordinamus: qui nexuna persona de su rennu nostru de Arbaree usit nen deppiat deseredare sos figios over nebodes suos nados dessos figios dessas rexones qui sillis at apertenne pro sa hereditadi de su padre over de sa mamma issoro. Salvo si su padre over sa mamma a sa morte issoro bolerent narri et apponerent contra issos figios over nebodes iusta ocaxione si deppiat prouare legittimamente auiri lexadu sos benes issoro infra unu mese da essa die de sa morte de su testadore.

98 - De coyamentos.

Constituimus et ordinamus: qui si alcuna persona coiuarit figia sua ado das qui non siat tenudu de lassareli nen darelli in vida nen in morte sua si non cussu quillat auiri dadu indodas si non a voluntadi sua. Salvu qui si isse nò auirit ateru figiu quilli deppiat laxare sa parti sua secundu raxione contadu illoy incussa parte at deber auire sas dodas cat auiri appidu daenante. Et simigiante si intendat pro tottu sos dexendentes suos et totu satero quillat romanne inde possat faghere cussu quillat plaghere et in casu qui morret ab intestadu sussedat sa figia femina coiada cuz sus ateros fradis et sorris suas iscontandu daessa parti sua cunssa doda qui at auiri appidu.

99 - De coyanza et heretamentu.

Item ordinamus: qui si alcuna femina si coiarit ammo do sardischo over a dodas et morret et lassarit alcunu figiu piciu si cussu figiu piciu morret poscha senza legitima aedadi de annos 18 qui su padri dessu ditu ceracho succedat et appat sa heredidadi dessu dictu figiu suo: et si migiàtemente sussedat sa mamma assu figiu pixinu incussus benes quilli furuntu romasidos de su padre, exceptu quissu padre over sa mamma auirint factu testamentu qui incussu casu si deppiat observare su ordini de cussu testamentu et issa voluntadi dessu testadore.

100 - De donazione.

Volemus et ordinamus: qui alcuna femina no usit nen deppiat dari in alcunu modo assu maridu nen invida nen in morte sua plus de liras deghe, et issu maridu assa mughere atero atantu dessu issoro peghugiare: et icussu det cussu cat auiri valsente de liras 20 in susu et icussu qui at auiri valsenti dae liras 20 ingiosso det sodhus 20 et icustu det sunu assatero sillat plagher et si non lu plagheret non di siat tenudu nen assu marido nen assa mughere. Et icustu capidulo appat legitime logu in casu qui su marido over mughere auirint dexendentes over ascendentes. Et si non di auirit siat illis licitu de lassaresi sunu assatero pro testamentu over pro donatzione casu mortis tottu cio qui ad boler dessos benes issoro.

Notizie sulla Cultura e sulla Lingua Sarda

Dicius Antigus