Carta de Logu Eleonora di Arborea Leggi e Ordinamenti Capitoli 121 - 140

Charta de Logu Elianora de Arbarèe Capitulos 121 - 140

121 - De feriis.

Volemus et ordinamus: qui si intendat esser ferias sa festa de sanctu iohanni et de sanctu augustino et de sanctu marchu definnis.

122 - De sas curadorias obligadas andari a quida de berrude

Constituimus et ordinamus: qui sas curadorias et villas qui sunt ordinandas pro benne at Aristanis ad reer sa chida de berruda siant tenudos de benni secundu quest'ordinadu et usadu. Saluu qui cussa curadoria over villa at qui aghitare benne in sas secundas dies feradas o festas qui non siant cenza de benne in sas secundas ferias ma siant tenudus defermare cussas dies quillant ghitare qui non siant feriadas et si tota sa muda sua illi benneret et esserent dies feriadas non siat tenta de benni insini quillat benni satera muda sua et icussas sentencias qui sant dari in alcuna de cussos dies feriadas secundu qui sunt iscriptas desupra in qualunca Corona de Logu o de quida de berruda o de atera nò bagiat nen tengat forza.

123 - Ordinamentos de salarios.

Ordinamus de sos salarios et pagas qui debent leuare sos auditores de sa audiencia nostra et issos nodayos pro raxiones issoro.

124 - De auditores.

Ordinamus :qui sos auditores de sa audientia nostra qui sunt assu presente o qui ant esser pro inantis nò usint nè deppiàt leuare pro salario issoro de sas questiones quellis ad benne amanus: ecceptu ad raxone de sodhus I per libra. De sas scriuanias. Ordinamus: qui sos nodayus qui deppiant leuare daesses scedas qui ant faghere de vendiciones o de cambio sensa pagadores et cum pagadores de sa butega sua de sa nodaria sodhus I et dinaris IV. Et foras de sa butega sua intro impero de sa terra sodhus II. Et si foras de sa terra bollirint dughere su nodayu acordint sindi impari de su pregiu. Et si de sas ditas cartas bollerent in forma publica siant esser de liras X iniossu deppiat leuari su dictu notario sodhus VI. Et si esseret dae liras X insusu sodhus VII. Et si de sa firmadura de carta de franchidadi cun testamentu et senza testamentu dae. sodhus XV infini at sodhus XXV pro testamentu secundu sa calidadi de su homini et de sas iscedas de franchida di soddus II. Et dessas iscedas de prestantzas acomandicias de deposidu et de confessione et venditiones de cosas mobilis sentza pagadores et cun pagadores in sa butega sua sodhus II. Et de sas iscedas de sas allegatos et libellos de domos et de bingias et desantis et de berbecargius in butega sua cuz pagadore et sentza pagadore sodhus I, dinaris VI. Et foras de butega sua sodhus I. Et de sa firmadura de ciaschuna de sas ditas cartas sodhus VI Et dessas iscedas dessos testamentos dae sodhus V in sodhus X. Et de sa firmadura sodhus X pro centenayu de cio qui hant balliri sos benes de su Testadore infini sodhus XX, secundu su testamentu et issa qualidadi dessu homini. Et dessa isceda de su inventariu et firmadura dinaris VI pro libra de cio qui ant balliri sos benes. Et ciaschunu membru de testamentu firmadu secundu sa qualidadi de su secundo (ffz.V.in.ffz.X). Et de sas scedas de sas coyansas et de sa sposansa dae sodhus V infini X. Et de sa firmadura sodhus XX pro chentenayo de cio que at muntari sa doda secundu sa qualidadi de sas personas gosi sa firmadura de sa jura et de sa isposansa comenti et de sas dodas. Et de sas iscedas de sos comandamentos requestes teneris et istasinas et appellationes (sodhus dinaris VI). Et de sa firmadura de ciaschuna de sas ditas carta sodhus VI. Et de sas iscedas de sos incantos de ciascadunu sodhus di.iiii. Et de sa firmadura secundu sa qualidadi de su in canto et de sa persona sodhus XX. infini sodhus XL. Et de sa iscedas qui si faghint pro sus hominis qui si bogant dae prexioni pro ciascuno pagadori sodhus I. Et de sa iscedas de sas percuras intro de butega sodhus I. Et foras de butega intro de sa terra sodhus II. Et de sa firmadura dae sodhus tres infini in sodhus VI. Et de sas iscedas et sententias interlocutorias et compromissos pro parte sodhus II. Et de sa sententias dissinitiuas qui ant esser dae liras X ingiosso paghit sodhus V. Et dae liras X infini in liras I, sodhus X. Et dae liras I infini in liras Centu sodhus XX. Et dae liras centu insusu sodhus XXX. Et de sa appellatione qui sat fagheri in paraulas sodhus II. Et sisi fagherit in scriptu secundu su volumen de sa scriptura sodhus II infini sodhus V. Et de sos processos qui sant leuare daessa corte pro via de appelatione deppiat leuari su nodayu o s'iscrivanu dinares VIII pro carta scrivendo in ciascuna carta rigas XXVIII. Et dessas procuras advocationes qui sant fagheri in corte qui pacto non loy appat sissa dimanda at esser dae liras X in giosso appat su procuradore sodhus X. Et dae liras I insusu appat dinaris VI pro lira. Et de sa furadura pro ciaschuna de sa dictas cartas soldos binti. Et dessa chircadura desos actos sisi achaptat sa carta qui si faghit chircare dinaris ses pro anno et si non si acaptat dinaris tres pro annu. Et de tottu sas ateras istedas de cartas firmadas de sa quale nò faghit mentione custa Carta de Logu cussa persona qui los at fagheri sindi acordit cussu nodayu et si non sindi acordat cunsu nodayu siant indi darenante de su officiale dessa terra et icussu qui su dictu officiali indat sentenciari et comandare sindi deppiat fagheri. Et si alcunu nodayu at esser acaptadu benne in contra a sos presentes ordinamentos pro oì volta quillat esser acusadu et binchidu deppiat pagare a sa corte su doppiu de cio qui at auiri levado plus. Ordinamentos de salarios qui debent leuare sos scriuanos de Corona pro raxone issoro. Ordinamus: qui deppiat leuare decussas personas cant mandare sas nuntzas e pro ciaschuna volta dinares IV. Et fassat si pagare de ciaschuna persona qui faghirit nuntzare testimongios pro ciascuno testimongio pro sa polissa dinaris II. Et pro su examinamentos de ciascuno qui sat examinare et istendat et iscriuat su narre de ciascuno testimongiu dinaris.VI. Et fassat si pagare dae cussa personas cant acomandare chertos yssoro ad alcuna attera persona pro sa scriptura quando dat fagheri dinaris VI. Et fassat si pagari dae cussas personas cant esser postos ad Corona de Logu pro chertos cat esser factos in sas contradas calincunu inde mancarit assu lassamentu de sa Corona de Logu pro sa scriptura de cussa parti cat esser benida dinaris XII. Fassat si pagare pro sa polissa de sos chertos binchidos quando si mandat pro faghirillos pagare. Dae sodhus X infini. Dae sodhus C infini in liras XXV sodhus II. Dae liras XXV infini in liras L sodhus III. Dae liras L infini in liras C sodhus V. Dae liras C infini in liras (M) sodhus X. Sos hominis qui bennint pro reer Corona non paghit. Totus custos pagamentos qui sant fagheri si paghint.

125 - De sas dies feriadas.

Custas sunt sas dies feriadas insas calis comandamus qui nò si depiat reer Corona de logu nen Corona de chida de berrude sas dominigas de totu sanno sas festas de sancta maria. Item totu sa festas de sos apostolos. Item totu sas festas de sus vangelistas. Item totu sas ferias de sas vignennas cio est daessa festa de sancta Maria qui est a octo dies de cabudanni infini a sa prima die de sanctu gayni. Sa festa de omnia sanctu et issa festa de sus mortus. Sa festa de sanctu martini. Sa festa de sanctu nichola. Sa festa de sancta Luchia. Sa festa de sanctu ancthoni. Sa pasca de sa natividadi et octo dies pluspasca et octo inantis. Sos lunis e martis inanatis desegari de petsa et issu mercuris primu inantis de carri segare. Sa pasca de sa epiphania que si clamat pasca nuntza. Sa pasca de ascensioni. Sa pasca de penthecoste cum dies II seguentes. Sa festa de su corpus de christus. Intre totu sa chida sancta et octo pusti pasca. Sas ferias de sas messas so est dae XV de lampadas infini a dies bindichi de treulas receptada sa Corona de Logu de sanctu pedru qui si reet ad voluntadi nrà et receptada qui si possant minare sas questiones ad voluntadi de sas partis et issu simili qui semper si reat sa audientia ad iscrutari issa o totu.

126 - Curadores.

Item pro cessare multas fraudes que faghent et comittent sos carradores importare binu dae unu logu at in atero. Ordinamus et statuimusque nechunu carradore qui portat cuba de binu over carrada nò deppiat nen presumiscat dae como inantis de su binu qui jugheret bogarende nen faghirende bogare nen consentire qui nechuna persona inde boghit nen de biat nè darendi ad alchuna persona ad minus de voluntadi et consentimentu de su pubillu de su binu. Et etiaz deus non loy deppiar mittere abba nen attera mischoladura ad pena de sodhus C ad opus de sa corte pro ciaschuna bolta qui contra fagherit et esseret illis prouadu de pagare su dannu a su pubillu de su ditu vinu; et issa simili pena si intendat adissu quindi bogarit abier de su vinu sensa paraula decussu cuy ad esser su dictu vinu benne que nò ade seret sus carradores. Et icustu capidulu bolemus que si intendat a dogna atera mercantia et ateras causas que si portarint cuz carros over cuz bestias dae unu logu ad un'atero non los vsint ixolere nè trauigare nè fagheri malicia nen barattaria alcuna et cascaduna persona possat accusare totus cussas godales personas qui in cio esserent inculpados:et appant inde sa tersa parte de sa pena.

127 - De logare cavallu.

Volemus processare ogna litigiu et qùestione qui si fagherit in allogare o dare alcunu couallo abintura. Ordidamus et statuimusque dogna persona possat allogare su couallu suo sensa qui siat tenudo assa corte affagirellu istimare cassando ognia atero capidulu supra cio incontrariu et in casu qui su cavallu moreret o qui si agostarit pro culpa de su condutore over dequillu coualigarit siat tenuda dellu pagare at cui esser faghendolu istimare pro duos over III bonons hominis de cussus quillant auiri cognoschido.

128 - De non blastomari a deus.

Constituimus: pro qui deus onnipotenti si debet supra totas causas honorare tenire et guardare et hobedire et apressu sa gloriosavirgini madonna sancta maria et issos apostolos et santus et sanctas de deus. Ordinamus qui calunca persona de calunca conditione siat cat blastimare a deu over a sancta Maria et lat esser prouadu siat condennadu in liras l.sos cales deppiat pagare infra dies XV poscha cat esser condennadu:et si nò pagat infra su dictu tpres mittat silli uno annu in sa limba et siat illi tagiada pro mò quilla perdat:et si blastimarit alcunu Santu o Santa siat condennado in liras XXV sas quales depiat pagare infra dies XV, poscha qui at essere condennado, et si nò pagat infra su dictu tempus mittat silli unu annu in sa limba et cum issu siat afrustadu pro totu sa terra hui ad auiri delinquido o factu su delittu et non appat atera pena.

129 - De sa Charta de Loghu.

Item ordinamus: qui ciaschuno curadore siat tenudo de auiri ad ispesas suas sa Carta de Logu cun sa quale isso et issus juradus et iuygantes suos si possant plenariamente informare qñ esserent a sos bisognos et deppiant illa leuare de sa camera nostra et deppiant etzi deus oseruare et fagheri totu cussu qui si contenit in sos capiduluset ordinamentos qui suntu iscriptus in sa predicta carta de Logu et icussu curadore aqui at esser prouadu qui nò auirit sa dita carta de logu leuada et nò at fagheri et obseruare toto cussu qui in cussa si contenit paghit a sa camera pro ciascuna bolta quillat esser provadu soddus X. et deppiat su ditu curadore auiri sa dicta carta de logu de sa prima die de Corona de plama assatera Corona de Logu de sanctu marchu a sa dicta pena.

130 - Debitu pagadu.

Volemus et ordinamus: qui calunca persona a dimandarit depidu pagadu over torrarit adimandare chertu binchidu et diffinifu siat condennadu in su doppiu de cussa quantidadi qui at esser pagada over binchidu.et cio si intendat adicussas personas a sas quales particularimente esseret fatu su ditu pagamentu over qui esseret binchidu.exceptu qui esserent heredes et successores de su principali qui decussu pagamentu et binchidura chesseret facta esserent negligentes et nondi esserent certos incussu casu non siant tenudus a pagare pena alcuna ma sindi deppiat obseruare secundu qui raxione sindat achaptare.

131 - Maistros de linna.

Constituimus et ordinamus subra sos maystros de linna qui si fagherint maystros bolemus qui calunca persona a qui ant fagheri carros over arados et non esserent bene factos pro issu factu modo quindi perderent dies de feruire qui satisfassat su dannu qui at auire su comporadore de sas dies perdidas sest carro pro carro sest aradu pro aradu sest iuale pro iuale et de maquicia assu regnu libras.v. et anchu depiat pagare dies quantu ad perdere infini a qui l'appat torradu su lauro bono et sufficiente et qui nò ingannint plus ad ateros.

132 - De canes in gamma.

Ordinamus et istatuimus: qui calunca pastore o pastores de brebeges de porcos de cabras o de bacas achaptarint insa gamma issoro subra sa gamma canis over cani assaltigiados et nò biellu ochirint manu a manu illu depiant portare in manu de su maiore de sa villa:et icussu maiore illu deppiat comandare a su pubillu de su cani quillu depiat portare daenanti de su officiali et icussu officiali illu deppiat comandari quillu deppiat pagare edicussu qui at airi recividu su dannu. Et issu pubillu de su cani poy promittirit dellu reer bñ su dictu cani qui nò at faghere dannu, et si indi torrat affagheri paghit assu rennu pro sa negligentia sua qui nò lu bollit ochire liras X et morgiat su cani et paghit totu su dannu qui l'at auiri fatu et daerelles pro deleadus. Os marianus pro issa gracia de deu s'Juyghi de Arbaree Conte de Gociano et Bisconti de basso considerando sos multos lamentos continuamente sunt istadus et sunt pro issas terras nostras de Arbaree et de Logudore pro sas bingias ortos et lauores qui si disfaghint et consumant perissa guardia et cura qui si dat a su bestiamen cussos de qui est et quillu at in guardia pro sa quali causa multas bingias et ortos sunt e remadas et multas personas si remanent de lauorare qui lauorari ant pro dubidu qui ant de nò perdere cusso quillo ant fagheri et bolendo nos prouidere a su vtili cummoni et bonu istadu de sa gente nostra amusdeliberado defaghere et faghemussos infra scriptos ordinamentus pro qui cussos observando et mantenendo sas bingias er ortos et lavores ant romane et istare in su gradu issoro et megiorare et avansare cussas de qui ant essere, et issu bestiamen indat esser megiusgubernadu mantesidu et guardadu.

133 - Ordinamentos de bingias de lauores e de ortos.

Ordinamus: qui in ciascuna villa de sas terras qui ant auire bingias et ortos si depiant pro issu officiali nostru maiore de sa contrada ogna annu in su mese de frebrer ellegere personas de bona fama. et conditioni in sa villa manna hominis octo et in sa villa metzana hominis ses et in sa pixina hominis quatro sos quales su maiore de sa dita villa at fagheri jurare pro dogna requesta quillis at esser factu totu silloy ant poder esser et si nò a su minustres de sos ditos juradus cun su maiore de sa dicta villa ant andare a prouidere cussas bingias et ortos de qui ant esser requestos et prouididos quillas ant auiri cussos quillis ant parri qui siant sufficientemente et bñ cungiadas de fossu o de muro o de clausura et illis at parre de recivire pro cungiada sensa fraudi et de iscriviri in su chaderno qui subra cussos ordinare et bingia over orto qui nò siant cungiadas sufficientemente et secundu qui si contenet nò at aprouare nè acceptare et comandare adicussos qui ant auiri sas dictas bingias over ortos qui nò ant esser sufficientemente cungiadas qui las cungint infra dies octo dae cussa die quillis ad esser comandadu et etzia deus iurint de hochire et denunciare cussu bestiamen et accusare sos hominis qui ant acaptare intro de sas dictas bingias et ortos cungiadus et aprouaduspro cungiadus et in lauoris secundu qui si contenit in sos capidulu seguentes subra cio ordinados et de andare at apersare sos damnos su quale apersu ant fagheri bñ et lealimente secundu quillis at parri in sa conscienta issoro qui esser deppiant et sensa fraudi.

134 - Bingias e ortus.

Item ordinamus: qui ogna persona qui at auire bingia over orto illu deppiant cungiare over de muro o de fossu over de clasura et cungiado qui at esser illu depiant fagheri prouidere pro issos juradus predictos qui ant esser ad cio alletos et deputados et cio deppiant faghere pro totu su pñte mese de apreli et dainde inanti ogni anno de su mese de sctñ gayni biene nadu que ant auire et prouidido et at prouado pro issos ditos maiores et jurados in su cadernu secundu que de supra est naradu lat fagheri scrivire pro isso maiori de sa ditta villa qui in su quaderno que auirit dz tenne:et cio qui sas ditas bingias et ortusqui ant esser apropiaduset recividos pro cungia dos scrivere si possat et acatare qñ at bisongiare. Volemus et comandamus qui ciascuno maiore de ciascña de sas ditas villas hui ant auiribingias et ortos depiant faghire unu quadernu pros se ognia anno in su quali at fagheri scrivere ordinadamente die a die comente pro issus ditos jurados li at esser denunciado sas bingias et ortos aprobados et recividos pro cungiados faghendo illoe scrivere sos nomens de cussus jurados qui ant a prouiderellos et recivirellos ant pro cungiados esser istados et cussu maiore que ad esser achatado non factu su dictu quadernu ognia anno over non auiri factu iscrivere sa bingia over orto quilli essere denunciada esseret approuado et recivido pro cungiado siat condennado:et paghit a sa camera nostra dogna bolta quilli at essere provadu over acaptado liras tres. et icussu qui at iscrtuiri su dictu prouidimentu et aprouamentu appat pro ciascuna bingia over orto qui ad scrivinri esser aprovadu et recivido pro cungiado dinaris III.

135 - Idem.

Volemus et ordinamus: qui cussu pubillu de bingia over de orto qui at esser aprouadu et recivido pro aprouado over armentargiu over homini suo qui siat adistari in domu sua o alcuna atera qui su achatarit pro cio over alcño des sos dictos jurados que ant acaptari bestiamen domado over rui in alcuna de sas ditas bingias over ortos aprouados pro cungiados siat tentu et deppiant impodere suo su dictu bestiamen ochiri over lensari de die over de nocte deppiant depñte denunciare a su maiore de sa dicta villa dundi sa dicta bingia over orto at esser et si ochiri over lensari non di ad poder denunciare lat a su predictu maiore que lu fassat iscriviri in su predictu caderno qui at esser pro cio ordinado jurando cussu qui su dictu bestiamen ad auiri denunciando qui at factu su podere su in ochirello et non ad possidu et dicussu pubillo de bingia o de orto o armentargiu over homini suo qui at acatari su ditu bestiamen et jurare no lu bollet over que ad prouado qui de voluntadi sua inde siat eridu su dictu bestiamen sentza illo ochire siat condennado et paghit pro ciaschuna bolta a sa camera nostra liras Centu. Et issu pubillu decussu bestiamen qui at essere acaptado in sa dicta bingia over orto paghit pro su bestiamen domado secundu qui si contenit in su capidulu de sa Carta de Logu de presente de sa quali pena depiat auire su maiore de sa dita villa pro sa camera nostra sas suas partes et issa terza appat su accusadori et gosi si intendat pro su bestiamen rude comente et de su bestiamen domado et sia cretidu assu sagramentu suo su dictu acusadori et denunciadore.et niente de minus si at tenudo de pagare et paghit su aprezu et dannu qui su ditu bestiamen ad auiri factu n sa dicta bingia over orto qui at auiri iscuniado pro issu dictu bestiamen exirit daesa dita bingia over orto sensa indi ochire over lensari qui incussu casu no di appat satisfacione alcuna.Et si alcunu de sos predictus pobillus o armentargiu over homini suo over jurado qui sunt narados de supra acaptarit alchuno de su dictu bestiamen et no lu ochirent over lensarint over non lu denunciarent secundu qui est naradu desupra deppiat pagare et paghit a sa camera nostra ogni bolta qui lat esser provado, over cat esser acatado legittimamente auire zo factu libras quimbi.et issu bestiamen cat esser lensado et ad morre in alcuna villa de su castighu cue esseret sa bingia hui su dictu bestiamen ad esser lensado et gossi si intendat pro su molente comente et de s'atero bestiamen qui de supra est narado.Et de presente su pubillu de su ditu bestiamen possat auire recursu contra assu pastore de cussu qui at debere paschire et issu factu non anirit podere de pagare istit in pregione infini a voluntadi de su pubillu de su bestiamen et intendat si de su bestiamen de calunca persona siat.

136 - De su porcho mannali.

Constituimus et ordinamus: qui sos bonus hominis o feminas pubillos de sas dictas bingias et ortos armentargiu issoro over homini issoro o jurado de sas ditas villas deputados acio secundu qui desupra est narado qui at acaptare porcos manalis in alcña de sas ditas bingias over ortos et si lensarint ochirit non eant poder paghit su pubillu de su dictu porcho su apreciu de su famnu qui at fagheri in sa dicta bingia over orto et sodhus tres pro porcho assa camera nostra pro ciaschuna bolta quilloy at esser achaptadu, et si non pagat leuent si su porcho pro sa corte sensa misericordia nixuna.

137 - Porcos de gamma.

Item ordinamus :que sos pubillos de sas ditas bingias ortos over armentargiu o homini issoro over cussos qui ant esser de cio juradus qui ant achaptare porcos de gamma o brebegues o capras in alcuna de sas dictas bingias over ortos siant tentas et depiant ochire over leuare pro ciaschuna bolta quilloy ant esser achaptados de ciaschuna gamma porcos V et niente de minussu pubillu de su ditu bestiamen deppiat pagare et paghit su apersiu et dannu qui cussu bestiamen at auiri fatu et cungiare ad ispendiu suo sa bingia over orto qui at esser iscungiada et sodhus XX de sos quales appat sa camera nostra sas duas partis et issa terssa parte appat su achufadore et alcunu de sos predictos qui ant acaptare su dictu bestiamen et at larare de ochire over levare comente est narado nò lu at denunciare a su maiore paghit pro ogni bolta quilloy ad esser acptado over provadu legitimamente cio auiri fatu secundu qui si contenit in su capidulo subra attero bestiamen: qui contra fagherit pro amore o pro timore o pro atera regione qui sindi istaret de non fagher de sas predictas causas paghit pro dogna bolta liras V.

138 - De terra boida.

Volemus et ordinamus qui calunca persona de calunca conditoni siat at auiri terra boida incastigu de bingias depiat illi esser comàdadu pro issu officiali nostru maiore de sa contrada qui cussa terra boyda depiat pone a bingia over fageri ponne et plantarello a bingia infra unu annu, over quillu bendato dedi a persona qui plantare illa possat su quale comandamentu depiat faggeri iscriviri qui si possat ischire qui su tempus at esser complidu, et qui infra su ditu tempus cussu a qui at esser fatu su dictu comandamentu de sa secunda terra nò plantarit over fagherit plantare a bingia pro qui nò bollat over nò possat nen bendat nen det a persona qui ponne over plantare illa potzat a bingia su dictu officiali sa dicta terra leuet et apropit a sa corte nostra.

139 - De cungii bingia.

Constituimus et ordinamus: qui onnya persona de qualunca gradu istadu over conditione siat qui at aviri bingia o terra boida in ciaschuna de sas bingias siat tenudo de contrubuhire et pagare pro rata et secundu qui delliat tocare sa parti de sa cungiadura qui at fagheri.

140 - De cungiai bingia.

Item ordinamus: qui calunca persona cat auiri bingia o terra boida in castigu siat tenudo de conntribuyire et pagare pro rata secundu qui delli at tocari sa parti de sa cungiadura qui at fagheri, cussos quill'ant esser dae ladus deforas ant auiri clasura et faghere sossu quillo y at esser necessariu, et si alcño decussos qui ant auiri alcña de sas ditas bingias o terra boida et nò ant boler pagare over at esser inposenti de pagare sa parti de su ispendiu qui sat fagheri et illat torrari de su fatu qui sat auiri daessas bingias qui at esser subra se si paghit su dictu ispendiu.et si bastanti nò esseret assudictu ispendiu su pubillu de sa dicta bingia siat tenudo de bender illa infra vno mese de su preciu quindi at auiri sindi satisfassat cussa parti et icussu quillat comporare siat tenudo affagheri et pagare su ispendiu quissa dicta bingia pro sa dicta cungiadura lat tocare.et similimente siat tenudo et deppiat bender cussu pubillu cat auiri sa dicta terra boida in castighu et si comporadore non auirit et acaptare nò sindi poderet de sa dita bingia, over terra boida dividat si et partat inter icussos qui ant auiri bingias issu secundu castiu et a confinare et esser plus apressu de sa dicta bingia over terra boida et icussos qui sa dita bingia over terra ant auiri siant tenudos de pagare sa parti de su dictu ispendiu qui at tocari a sa dita bingia over terra boida qui at esser divisa et partida secundu quest narradu de subra siveramente qui cussos quillàt comporare over at qui benne inparte sa dicta terra boida siant tenudus deponne et plantare a bingia sa dita terra infra vno anno et si nò la ponet et platat infra su dictu tempus siat sa dicta terra de sa corte et niente de minus fassat et paghit su ispendiu qui assa dicta terra ad tocare in sa predita cungiudura, et icussu qui ad auiri bingia in castigu over a ladusde alcño atero over ortos qui siat dae ladusde foras qui non at esser bñ congiadu depiat silli comandare pro issu officiali et issu jurado de sa dita villa hui at esser qui infra dies octo lu deppiat auiri congiadu. Et si no lu cungiant dae ladussuo intraret bestiamen et faghit dannu in bingias over ortos de sos viginos paghint assa corte nostra sodhus XX emendet et satisfassat su dannu qui cussu vigino at auiri factu et recivido et appido; et issos dictos maiores et juradus lu deppiant fagheri cungiare ad ispendiu decussu de qui at essere sa bingia over orto dando assos seruidores qui loy ant seruiri approbia plus qui pro issos ateros de sa villa sat dare et pagare dinaris duos sa die pro ciaschuno pro qui plus aprese sa causa si possat ispaciare, et si nò lat boler pagare pignorint illi decussu qui at montare su ispendiu predictu et satisfassat sos seruidores et si non at auiri atero depoder illu pignorare pro sa dicta bingia over orto satisfassat daessu fructu de sa dicta bingia over orto su quali fructu possant sos dictos maiores et juradus bender a tempus assu megius qui at poder et paghit sos dictos.

Notizie sulla Cultura e sulla Lingua Sarda

Dicius Antigus