Lingua Sarda Associazione LimbaSarda - Regione: modifiche criteri legge n. 26 del 1997

Noas 2003-09-26

Notizie sulla lingua sarda - Regione Sarda

Noas 2003-09-26 Bonas e Cuncretas novas pro sa limba Regione Sardegna

Amigos caros

dae un amigu appo rezzidu custa littera chi nos jughet bonas e cuncretas novas po sa limba.

Carchi cosa s'est movende... e duncas... ispainade sa boghe e chircade de cumbinghere totu sos chi connoschides a si dare de faghere.

Saludos

Antoni

Amiga, amigu istimau

ti cheria fàere connòschere e bogare a craru unas cantas novas de 's'atividade de s'assessorau regionale de s'imparu pùbricu de s'annu presente 2003.

Comente ischis in sa Regione dhoi at como unu momentu de crisi polìtica chi no at cunsentiu a is autoridades prepostas de fàere ischire custas reformas de importu fatas po sa limba sarda in custos urtimos meses.

Faedhu ischire tue puru a is interessados imbiando custa mail

1) Est istau istituiu (e fut ora a ses annos dae sa lege regionale e a bàttoro dae cussa istatale) unu servitziu ispecializau po sa limba e s'identidade sarda chi diat a dèpere sighire mengius totu is chistiones chi pertenent a sa limba chi finas a como furint a treulu in deghinas e deghinas de ufitzios. Iscolas e universidade no ant cambiau servitziu de cumpetentzia

2) Sa Giunta Regionale at cambiadu is criterios de finantziamentu de s'articulu 13 de sa lege 26 introduendo puntos de giuditziu in prus po chie faet sa dimanda iscritta in sardu e faet initziativas in sardu. Custos criterios dhos podes agattare giai in su Situ Istituzionale de sa Regione Sardigna

3) Sa Giunta Regionale at cambiadu is criterios de finantziamentu de is articulos 17 e 20 de sa lege 26 po progetos iscolasticos introduendo puntos de giuditziu in prus po chie faet sa dimanda iscritta in sardu e faet initziativas didàticas in limba sarda. Sos criterios ant a èssere pubblicaos luego in su Buras

4) Sa Giunta Regionale at cambiadu is criterios de finantziamentu de s' articulos 19 de sa lege 26 po progetos universitarios introduendo puntos de giuditziu in prus po chie faet initziativas in limba sarda in s'universidade. Sos criterios ant a èssere pubblicaos luego in su Buras.

P.S. Sa lògica de custos cambios est de amparare sa limba cun d'una lege chi est de cumpromissu e paricias bias no dhu cunsentit e lassat tropu tretu a progetos in italianu

Faedhu ischire in tempus a is amigos de sa limba sarda

Fortza Paris

Data de Imprente: 2003-09-26

Foto FonteSarda - Nuraghe di Barumini 2006 n. 38 cortile interno

 Torra Agoa   Sighit  

Dicius Antigus